നിരവധി വേഷങ്ങൾ കൊണ്ട് മലയാളികളുടെ മനസ്സ് കീഴടക്കിയ നടിയാണ് ശോഭന, നടി മാത്രമല്ല മികച്ചൊരു നർത്തകി കൂടിയാണ് താരം, ശോഭനയുടെ സിനിമ ജീവിതത്തിലെ നാഴിക കല്ലായിരുന്നു ഫാസിൽ സംവിധാനം ചെയ്ത മണിച്ചിത്രത്താഴ്, മണിച്ചിത്രത്താഴിലെ അഭിനയത്തിന് മികച്ച നടിക്കുള്ള ദേശീയ അവാർഡ് ശോഭനക്ക് ലഭിച്ചിട്ടുണ്ട്. ‘മിത്ര് മൈ ഫ്രണ്ട്’ എന്ന ഇംഗ്ലീഷ് ചിത്രത്തിലെ അഭിനയത്തിന് 2002-ൽ ശോഭനക്ക് രണ്ടാമത്തെ ദേശീയ അവാർഡ് ലഭിച്ചു.കുട്ടിക്കാലം മുതൽക്കേ ഭരതനാട്യം അഭ്യസിച്ചിരുന്ന ശോഭന 1984-ൽ ബാലചന്ദ്രമേനോൻ സംവിധാനം ചെയ്ത ‘ഏപ്രിൽ 18’ എന്ന ചിത്രത്തിലൂടെയാണ് മലയാള ചലച്ചിത്രരംഗത്ത് എത്തുന്നത്.
ശേഷം ഭരതന്റെ ‘ഇത്തിരിപ്പൂവേ ചുവന്ന പൂവേ’ എന്ന മമ്മൂട്ടി ചിത്രത്തിലാണ് ശോഭന രണ്ടാമത് അഭിനയിക്കുന്നത്. അതേ വർഷം തന്നെ മമ്മൂട്ടിയുടെ നായികയായി ‘കാണാമറയത്ത്’ എന്ന ചിത്രത്തിലും അഭിനയിച്ചു. ശോഭന ഒരു പ്രശസ്ത ഭരതനാട്യ നർത്തകി കൂടിയാണ്. മദ്രാസിലെ ചിദംബരം അക്കാദമിയിലാണ് ശോഭന ഭരതനാട്യം അഭ്യസിച്ചു തുടങ്ങിയത്. പ്രശസ്ത നർത്തകിമാരായ ചിത്രാ വിശ്വേശരനും, പദ്മ സുബ്രമണ്യവും ശോഭനയുടെ ഗുരുനാഥമാരായിരുന്നു. ഭരതനാട്യത്തിൽ ശോഭനയുടെ ഭാവാഭിനയം പ്രശസ്തമാണ്.
മലേഷ്യയിലെ രാജാവിന്റെയും രാജ്ഞിയുടെയും മുന്നിൽ ശോഭന തന്റെ നൃത്തം അവതരിപ്പിച്ചിട്ടുണ്ട്. ഇപ്പോൾ സിനിമ ജീവിതത്തിൽ നിന്നും ഇടവേള എടുത്ത ശേഷം ശോഭന തന്റെ നൃത്തവിദ്യാലയുമായി മുന്നോട്ട് പോകുകയാണ്. ഒരു മകൾ കൂടിയുണ്ട് ശോഭനക്ക്, അനന്ത നാരായണി എന്നാണ് ശോഭനയുടെ മകളുടെ പേര്. മകളുടെ ചിത്രങ്ങൾ ഒന്നും തന്നെ ശോഭന തന്റെ സോഷ്യൽ മീഡിയ വഴി പുറത്ത് വിടാറില്ല, എന്നാൽ ഇപ്പോൾ മകളുടെ വീഡിയോ പുറത്ത് വിട്ടിരിക്കുകയാണ് താരം,
എന്നാൽ വീഡിയോയിൽ മകൾ ഒറ്റയ്ക്കല്ല ഉള്ളത്, തന്റെ ഡാൻസ് സ്‌കൂളിലെ കുട്ടികൾക്കൊപ്പം മകൾ നൃത്തം അഭ്യസിക്കുന്ന വീഡിയോ ആണ് ശോഭന പുറത്ത് വിട്ടത്. എന്നാൽ വീഡിയോയിൽ തന്റെ മകൾ ഉള്ള കാര്യം ശോഭന എവിടെയും പറഞ്ഞിട്ടില്ല, ശോഭനയുടെ അടുത്ത് ഇരിക്കുന്നത് താരത്തിന്റെ മകൾ ആണെന്ന് വീഡിയോ കാണുന്നവർക്കു പെട്ടെന്ന് തന്നെ മനസിലാകും. അനന്ത നാരായണിയുടെ ചെറുപ്പത്തിലേ ചിത്രത്തിൽ നിന്നും യാതൊരു മാറ്റവും വന്നിട്ടില്ല അതുകൊണ്ട് തന്നെ ഇത് അനന്ത നാരായണി ആണെന്ന് കാണുന്നവർക്ക് എളുപ്പം മനസിലാകും.
