മോഹൻലാൽ സിനിമയിലേക്ക് എത്തിയത് എങ്ങനെയാണ്, മുകേഷിന്റെ വാക്കുകൾ

മലയാള സിനിമയുടെ സൂപ്പർസ്റ്റാർ ആണ് മോഹൻലാൽ. ലക്ഷക്കണക്കിന് ആരാധകർ ആണ് അദ്ദേഹത്തിന് ഉള്ളത്. വില്ലനായി അരങ്ങേറ്റം കുറിച്ച താരം പിന്നീട് നായകനായി മാറുകയായിരുന്നു. മലയാള സിനിമയെ തന്നെ രോമാഞ്ചം കൊള്ളിക്കുന്ന തരത്തിൽ ഉള്ള ഡയലോഗുകളും ആക്ഷൻ രംഗങ്ങളും വളരെ അനായാസം ചെയ്തു ഫലിപ്പിക്കാൻ കഴിഞ്ഞ താരം വളരെ പെട്ടന്ന് തന്നെ മലയാള സിനിമയുടെ തന്നെ താരരാജാവായി മാറുകയായിരുന്നു. നൂറിലധികം ചിത്രങ്ങൾ ആണ് മോഹൻലാൽ ഇതിനോടകം മലയാള സിനിമയ്ക്ക് സമ്മാനിച്ചിട്ടുള്ളത്. അതിൽ പകുതിയിൽ ഏറെ സൂപ്പര്ഹിറ്റുകളും ബ്ലോക്ക്ബസ്റ്ററുകളും എന്നതിൽ സംശയമില്ലാത്ത കാര്യം ആണ്. സീരിയസ് വേഷങ്ങൾ ആണെങ്കിലും ഹാസ്യ വേഷങ്ങൾ ആണെങ്കിലും എല്ലാം വളരെ അനായാസം ചെയ്തു ഫലിപ്പിക്കാൻ കഴിയുന്ന താരം ആരാധകർക്ക് ലാലേട്ടനായി മാറുകയായിരുന്നു. ഇന്നും താര പ്രതിക ഒട്ടും നഷ്ടപ്പെടാത്ത കഥാപാത്രങ്ങളുമായാണ് താരം പ്രേക്ഷകർക്ക് മുന്നിൽ വരുന്നത്.

1980 ൽ പുറത്തിറങ്ങിയ മഞ്ഞിൽ വിരിഞ്ഞ പൂവ് എന്ന ചിത്രത്തിൽ കൂടിയാണ് മോഹൻലാൽ സിനിമയിലേക്ക് വരുന്നത്. വില്ലൻ വേഷത്തിൽ ആണ് താരം തന്റെ അഭിനയ ജീവിതത്തിനു തുടക്കം കുറിച്ചത്. മോഹൻലാൽ അവതരിപ്പിച്ച നരേന്ദ്രൻ എന്ന കഥാപാത്രം ഇന്നും ആരാധക മനസ്സുകളിൽ നിറഞ്ഞു നിൽക്കുന്നു. ആദ്യ ചിത്രത്തിലെ പ്രകടനത്തിന് തന്നെ ആരാധകരുടെ ശ്രദ്ധ നേടാൻ താരത്തിന് കഴിഞ്ഞു. ഫാസിൽ സംവിധാനം ചെയ്ത ചിത്രത്തിൽ ശങ്കറും പൂർണിമ ജയറാമും ആയിരുന്നു നായിക നായകന്മാരായി എത്തിയത്. ഇപ്പോൾ ഒരു റീലിറ്റി ഷോയിൽ വെച്ച് മോഹൻലാൽ എങ്ങനെ ആണ് മഞ്ഞിൽ വിരിഞ്ഞ പൂവിൽ എത്തുയത് എന്ന് തുറന്ന് പറയുകയാണ് മുകേഷ്. കുട്ടികളുടെ സംഗീത പരുപാടിയിൽ വെച്ചാണ് മുകേഷ് ഈ കഥ പറയുന്നത്.

ഓഡിഷനിൽ കൂടിയാണ് മോഹൻലാൽ മഞ്ഞിൽ വിരിഞ്ഞ പൂവിൽ എത്തുന്നത്. മോഹൻലാലിനെ കണ്ടു മറ്റു രണ്ടു സംവിധായകന്മാരും നൂറിൽ അഞ്ചും ആരും മാർക്കുകൾ ആണ് ഇട്ടത്. ഈ മുഖം വെച്ചുകൊണ്ട് ഒരിക്കലും അഭിനയിക്കാൻ കഴിയില്ല എന്നും അവർ വിധിച്ചു. എന്നാൽ ഫാസിലും ജിജോയും മോഹൻലാലിന് തൊണ്ണൂറ്റി ആരും തൊണ്ണൂറ്റി ഏഴും മാർക്കുകൾ ആണ് ഇട്ടത്. അങ്ങനെയാണ് മോഹൻലാൽ മഞ്ഞിൽ വിരിഞ്ഞ പൂവിൽ വില്ലനായി എത്തുന്നത്. രണ്ടായിരം രൂപയാണ് അന്ന് അദ്ദേഹത്തിന് അഭിനയിച്ചപ്പോൾ ലഭിച്ച പ്രതിഫലം. ആ തുക ഒരു അനാഥാലയത്തിനു നല്കിയിട്ടാണ് മോഹൻലാൽ അവിടെ നിന്ന് പോയത് എന്നും മുകേഷ് പറഞ്ഞു.