മലയാളം മൂവീസ് ആൻഡ് മ്യൂസിക് ഡേറ്റ ബേസിൽ സുനിൽ കുമാർ എന്ന ആരാധകൻ പങ്കുവെച്ച ഒരു പോസ്റ്റ് ആണ് പ്രേഷകരുടെ ശ്രദ്ധ നേടിയിരിക്കുന്നത്. പോസ്റ്റിൽ പറയുന്നത് ഇങ്ങനെ, നെടുമുടി, മുകേഷ്, ശ്രീനിവാസൻ. ചിരിയുടെ ഒരു സുവർണകാലത്തിന്റെ അവശേഷിപ്പാണ് ഈ രംഗം. ഒരുപാട് പ്രാവശ്യം നമ്മൾ ആവർത്തിച്ചു കണ്ടിട്ടുണ്ടാകും ‘അക്കരെ നിന്നൊരു മാരനി’ലെ അറബിയും തങ്കപ്പൻനായരുമായുള്ള ഈ സംഭാഷണം.
തർജ്ജമ ചെയ്യുന്ന മുകേഷിന്റെ ചില നമ്പറുകൾ, ഒരുപക്ഷെ മുകേഷിന് മാത്രം സാധ്യമാകുന്ന ചില നമ്പറുകൾ, ശ്രീനിവാസന്റെ അറബിസംസാരം. അന്തംവിട്ടിരിക്കുന്ന നെടുമുടി. ശ്രീനിവാസൻ ഗവാദ് യിന്ത ഹറാമി, മുകേഷ് അമ്മാവൻ എത്ര കുലീനനായ മനുഷ്യൻ. നെടുമുടി ഓ നമസ്കാരം വളരെ നിസ്സാരമെന്ന് തോന്നാവുന്ന ഒരു മറുപടിയാണ് ആ ‘ഓ…നമസ്കാരം’. പക്ഷെ അത് നെടുമുടിയ്ക്ക് മാത്രംചെയ്യാവുന്ന ഒന്നല്ലേ. കണ്ടുനോക്കിയാൽ മനസിലാകും. ഇപ്പോഴും പലരുടെയും ധാരണ ഇതൊരു പ്രിയദർശൻ ചിത്രമാണെന്നാണ്.
പക്ഷെ അതല്ല സത്യം. ഗിരീഷ് എന്ന സംവിധായകന്റെ അരങ്ങേറ്റചിത്രമായിരുന്നു ഇത്. പിന്നീടെന്തോ അദ്ദേഹം ഏറെദൂരം മുന്നോട്ട്പോയില്ല. ശ്രീനിവാസന്റെ തിരക്കഥ. സുരേഷ്കുമാർ നിർമ്മാണം. പ്രിയദർശന് ഈ ചിത്രത്തിലെ പങ്കാളിത്തം ഗാനരചയിതാവായിട്ടായിരുന്നു. “കണ്ണൻ ഈ ഭൂമിയിൽ ഭൂജാതനായത് കംസനെ കാച്ചുവാനായിരുന്നു ” എന്നുമാണ് പോസ്റ്റ്. ഗിരീഷിന്റെ മറ്റു ചിത്രങ്ങൾ കണ്ടാൽ മനസിലാക്കാം ഈ ചിത്രത്തിൽ പ്രിയന്റെ സംഭാവന കേവലം ഗാനരചന മാത്രമായിരുന്നോ എന്ന് എന്നാണ് ഒരാൾ നൽകിയിരിക്കുന്ന കമെന്റ്.
ആ കാലത്ത് ഈ പടം വിജയമായിരുന്നോ? കാലം തെറ്റി വന്ന സിനിമയാണോ എന്നൊരു സംശയം? വർക്ക്ഷോപ്പിൽ പണിചെയ്യുന്നതിന് ഇടയിൽ തൊട്ടടുത്ത മദ്രസ്സയിൽ നിന്നും കേട്ട് പഠിച്ച അറബിയാണ് മുകേഷ് പറയുന്നത്, മുകേഷിന്റെ വോയ്സ് മോഡുലേഷൻ പതിയേ ഇന്ത്യൻ ഡോക്യുമെന്റികളുടെ വോയ്സ് ഓവർ ടോണിലോട്ട് മാറുന്ന രംഗം, ഈ സിനിമയുടെ സംവിധായകൻ പ്രിയദർശൻ ആണെന്ന് ഈ ചിത്രത്തിൻറെ നിർമ്മാതാവ് ജി സുരേഷ് കുമാർ ഒരു ഇൻറർവ്യൂവിൽ പറഞ്ഞിട്ടുണ്ട് തുടങ്ങി നിരവധി കമെന്റുകൾ ആണ് പോസ്റ്റിനു വരുന്നത്.
